Məhkumların asudə vaxtının səmərəli keçirilməsi, onların sosial adaptasiyası və cəmiyyətə reinteqrasiyası məqsədilə dövlət, qeyri-hökümət və ictimai-siyasi qurumlar ilə əməkdaşlıq çərçivəsində Ədliyyə Nazirliyi Penitensiar xidmətinin tabe qurumlarında müxtəlif səpkili mədəni-kütləvi tədbirlər təşkil edilir.
Azadlıqdan məhrum edilmiş şəxslərin psixoloji yardım almaq hüquqlarının təmin edilməsinin səmərəliliyinin artırılması məqsədilə Ədliyyə Nazirliyi Penitensiar xidməti ilə Məhkəmə ekspertizası mərkəzi arasında təsdiq edilmiş birgə tədbirlər planının icrası ilə bağlı 6 və 15 saylı cəzaçəkmə müəssisələrində saxlanılan məhkumlar üçün “Məhkumlar arasında ünsiyyət və davranış qaydalarında qarşıya çıxan neqativ halların aradan qaldırılması” mövzusunda seminar-treninqlər keçirilmişdir.
Xidmətin məsul əməkdşlarının və Məhkəmə ekspertizası mərkəzinin Psixoloji ekspertiza şöbəsinin nümayəndələrinin iştirak etdiyi seminarda mövzu ətrafında mühazirələr dinlənilmiş və məhkumları maraqlandıran suallar cavablandırılmışdır.
Azadlıqdan məhrum edilmiş şəxslərin vicdan və dini etiqad azadlığının təmin edilməsi məqsədilə, Dini Qurumlarla İş üzrə Dövlət Komitəsi ilə Penitensiar xidmət arasında birgə təsdiq edilmiş tədbirlər planına uyğun olaraq 4 saylı cəzaçəkmə müəssisəsində və Tərbiyə müəssisəsində saxlanılan məhkumlar üçün “İslamda insan haqqı” mövzusunda seminar-treninqlər keçirilmişdir.
Xidmətin məsul əməkdşlarının və Dini Qurumlarla İş üzrə Dövlət Komitəsinin nümayəndələrinin iştirak etdiyi seminarda mövzu ətrafında mühazirələr dinlənilmiş və məhkumları maraqlandıran suallar cavablandırılmışdır.
AZ1010, Azərbaycan Respublikası, Bakı şəhəri, Nizami küçəsi 114
Telefon: (+99412) 493-24-86 (+99412) 598-40-46
Faks: (+99412) 493-40-86
E-mail: info@penitensiar.justice.gov.az
Qaynar xətt telefonları: (+99412) 598-47-73 (+99412) 598-40-46
