7 saylı cəzaçəkmə müəssisəsində yeni telefon danışıq qovşağı məhkumların istifadəsinə verilib

6-09-2018, 11:51 | 738 dəfə oxunub

Ədliyyə Nazirliyi Penitensiar xidmətinin tabe qurumlarında saxlanılan azadlıqdan məhrum edilmiş şəxslərin hüquqlarının qanunvericiliyə uyğun təmin edilməsi məqsədi ilə tədbirlər davam etdirilir.

Cəza çəkənlərin sosial əlaqələrinin möhkəmləndirilməsi, onların ailə üzvləri və yaxın qohumları ilə ünsiyyətinin saxlanılması daim diqqət mərkəzindədir ki, bu da islah-tərbiyə prosesinə müsbət təsir göstərir.

Bu səpgidə qanunvericiliklə nəzərdə tutulmuş məhkum və həbs edilmiş şəxslərə telefon danışıqlarının təqdim olunması xüsusi əhəmiyyət kəsb edir.

Penitensiar xidmətin bütün tabe qurumlarında yaradılmış telefon danışıq otaqları mütəmadi olaraq təkmilləşdirilir, onların sayı artırılır və müasir avadanlıqlarla təchiz olunur.
Penitensiar xidmətin 7 saylı cəzaçəkmə müəssisəsində məhkumların telefon danışıqlarından istifradə etmələri üçün daha əlverişli şərait yaradılmış, yeni 14 kabinadan ibarət, təkmilləşdirilmiş işıqlandırma sistemi olan telefon danışıq qovşağı istifadəyə verilmişdir.

İctimaiyyətlə əlaqələr şöbəsi

06.09.2018