26.09.2016 – Penitensiar xidmətin tabe qurumlarında Referendum başa çatmışdır » Azərbaycan Respublikası Ədliyyə Nazirliyi Penitensiar Xidmət

26.09.2016 – Penitensiar xidmətin tabe qurumlarında Referendum başa çatmışdır

26-09-2016, 19:18 | 2028 dəfə oxunub

26.09.2016-cı il tarixdə Ədliyyə Nazirliyi Penitensiar xidmətin cəzaçəkmə müəssisələri və istintaq təcridxanalarında, habelə hərbiləşdirilmiş qurumlarında Konstitusiyaya dəyişikliklər üzrə ümumxalq səsverməsi – Referendum keçirilmişdir.

Referendumda səsvermə hüququna malik həbsdə saxlanılan şəxslər və məhkumlar, eləcə də Penitensiar xidmətin Mühafizə Alayında və Konvoy taborunda həqiqi hərbi xidmət keçən qulluqçular mütəşəkkil, demokratik, şəffaf və azad şəraitdə öz iradələrinə uyğun seçimlərini etmişlər. Penitensiar xidmətin tabe qurumlarında ümumilikdə 14 seçki dairəsi üzrə 26 seçki məntəqəsində səsvermə təşkil olunmuşdur.

Səsvermə prosesini yerli və beynəlxalq müşahidəçilər, vətəndaş cəmiyyəti təşkilatlarının üzvləri, yerli özünüidarəetmə orqanları və kütləvi informasiya vasitələrinin nümayəndələri müşahidə etmişlər.Səsvermə prosesini müşahidə edən şəxslər tərəfindən hər hansı qanun pozuntusu qeydə alınmamış, nöqsan və çatışmazlıqlar barədə məlumat daxil olmamışdır.

İctimaiyyətlə əlaqələr şöbəsi

26.09.2016