Penitensiar xidmətin əməliyyat aparatının həyata keçirdiyi əməliyyat-axtarış tədbirləri nəticəsində Bakı İstintaq təcridxanasına narkotik maddənin keçirilməsi cəhdlərinin qarşısı alınmışdır.
Cinayət Məcəlləsinin 178.3.2-ci maddəsinə əsasən təqsirli bilinərək həbs edilmiş və hal-hazırda Bakı İstintaq təcridxanasında saxlanılan Mahmudov İlqar Məmmədnəbi oğluna bacısı Bakı şəhər sakini Mahmudova İlhamə Məmmədnəbi qızı tərəfindən gətirilmiş sovqata baxış keçirilən zaman orada olan iki ədəd kartofun içərisində yerləşdirilmiş 2 ədəd şəffaf sellofan bükülüdə ayrı-ayrılıqda çəkisi 19,780 qram və 6,099 qram olan narkotik maddə - qurudulmuş marixuana aşkar edilmişdir.
