| |
30-01-2021, 13:08 | 339 dəfə oxunub
Azərbaycan Respublikası Prezidentinin vətəndaşların müraciətlərinə qayğı və həssaslıqla yanaşması ilə bağlı tapşırıqları Ədliyyə Nazirliyi tərəfindən daim diqqətdə saxlanılaraq, vətəndaşların nazirlikdə, bölgələrdə və müasir İKT-lər tətbiq olunmaqla virtual qəbul məntəqələri vasitəsilə qəbuluna xüsusi önəm verilir.
Ədliyyə nazirliyi Penitensiar xidmətin rəis müavini ədliyyə general-mayoru Orxan Qasımov tərəfindən yanvarın 29-da Gəncə, Şirvan, İmişli və Şəki regional ədliyyə idarələrinin yurisdiksiyasını əhatə edən rayonların vətəndaşları ilə videoqəbulu keçirilib.
Qeyd olunun regional ədliyyə idarələri vasitəsilə əvvəlcədən qəbula yazılmış 11 nəfər vətəndaşın videokonfrans şəklində müraciətləri dinlənilib, qaldırılan məsələlərin bir qismi elə yerindəcə həll olunub, qanunvericiliyin tələbləri ətraflı izah olunub, digər məsələlərlə bağlı nazirliyin videoqəbulunda iştirak edən aidiyyəti məsul işçilərinə müvafiq tapşırıqlar verilib.
İctimaiyyətlə əlaqələr şöbəsi
30.01.2021
|
|
