Xidmət əməkdaşları Mərkəzi mülki müdafiə kurslarında iştirak etmişlər

11-10-2019, 18:22 | 290 dəfə oxunub

“Mülki müdafiə haqqında” Azərbaycan Respublikasının Qanunun tələblərinə uyğun olaraq Ədliyyə Nazirliyi Penitensiar xidmətinin əməkdaşlarının mülki müdafiə sahəsində bilik və bacarıqlarının artırılması, onların müvafiq təlimlərində iştirakı daima diqqət mərkəzindədir.

Bununla əlaqədar Penitensiar xidmətin 2019-cu il üçün mülki müdafiə üzrə planına əsasən 3 və 6 saylı Məntəqə tipli cəzaçəkmə müəssisələrinin, Təlim Mərkəzinin, Təhcizat idarəsinin və Avtonəqliyyat təsərrüfatının rəisləri Fövqəladə Hallar Nazirliyi tərəfindən təşkil edilmiş Mərkəzi mülki müdafiə kurslarında iştirak etmişlər.

Kurslarda Fövqəladə Hallar Nazirliyinin mütəxəssisləri tərəfindən ölkəmizdə mülki müdafiə sahəsində görülmüş işlər barədə müfəssəl məlumat verilmiş, bu sahədə yerli və beynəlxalq təcrübə ilə bağlı interaktiv mühazirələr dinlənilmişdir.

Kurs iştirakçılarına Fövqəladə Hallar Nazirliyinin sertifikatları təqdim olunmuşdur.

İctimaiyyətlə əlaqələr şöbəsi

11.10.2019